النفوس والفلوس
الجزء السادس
بقلم هويدا زغلول
الام : ايه يا رامي الكلام اللي انت بتقوله ده
رامي : هو انت ناسيه يا امي اللي عملته فينا
الام : خلاص ورجعت بيتها
رامي : بسهوله كده يا امي ترجع البيت
شروق : والله العظيم يا رامي ربنا يعلم اني مش
وحشه وهدير السبب في كل اللي حصل
رامي : ما تجيبيش سيره هدير على لسانك
ريهام : خلصنا يا رامي خلاص
الام : انا مش هاسيب عيال ابني يتربوا بعيد عن حضني
رامي : براحتك يا امي اللي انت شايفاه بس
فلوس يا شروق مش هتاخدي
شروق : وانا مش عايزه حاجه خلاص يا رامي
رامي : انا طالع شقتي فوق
ريهام: اطلع يا حبيبي يلا
الام : مالكيش دعوه بكلامه ياشروق فلوس
عيالك لو عايزاها خذيها
شروق : والله العظيم انا باتكلم بجد انا مش
عايزه حاجه وانا غلطت في حقكم وانا اسفه
ريهام : انا هانام مع ماما وانت خذي اوضتي انتي
وعيال
الام : وليه قطتك ما اوضه رامي موجوده
ريهام : على الفتره دي بلاش يا ماما
الام : شويه يا بنتي وارجع لك شقتك بس لما
ظروف رامي تتحسن ويقدر يوضب شقته
شروق : تمام يا ماما ما فيش مشكله وباست يد
حماتها والله يا ماما ما في اطيب منك
الام : وانا عارفه انك بنت ناس وشيطان اللي خلاكي تعملي كده
شروق : حبيبتي يا ماما بعدين دخلت الاوضه
وفي شقه رامي اتصل بهدير
هدير :تصدق انا كنت لسه هتصل بيك
رامي : شروق رجعت البيت
هدير : انت بتقول ايه ومامتك وافقت ورجعت فين
رامي : ما تخافيش هتقعد تحت عند ماما لحد ما
تخلص يا شقتي
هدير : شقه ايه يا رامي هو انت عايز بعد ما
وضبت الشقه دي اسيبها
رامي : ما انت عارفه من الاول انها مش شقتنا
هدير : باقول لك ايه يا رامي البنت دي مش
كويسه اي نعم هي بنت خالتي بس والله انا
اعرف كلام يودي في 60 داهيه
رامي : والله انا رافض مبدا انها تقعد في البيت اصلا
هدير : دي راجعه مخصوص علشان تخرب عليا
رامي : وانتي ما لك وما لها يا هدير انت في حالك
وهي في حالها
هدير : ماشي يا رامي
رامي : كنتي بتقولي لسه هتتصلي بي عايزه ايه
هدير : مش فاكره موضوع الزفته دي نساني
لو افتكرت هارن عليك
رامي : حبيبتي خلاص فرحنا كمان يومين مش عايز نكد بقى
هدير : ما فيش نكد يا قلبي ولا حاجه
رامي : انا هانام شويه وبعدين انزل اشوف القاعه
هدير : خذ بالك من نفسك يا حبيبي وانا شويه
وجاي عندكم
رامي : هدير ارجوك انا مش عايز مشاكل
هدير : وهو انا بتاعه مشاكل برده
رامي : خذي بالك من نفسك وانت جايه
هدير : حاضر يا حبيبي وانت كمان
وقفلت السكه وامها دخلت الاوضه
هدير : شفتي شروق هانم رجعت البيت
الام : كنت عايزاها تروح فين بعد ما امها
ماشيتها من البيت
هدير : انا غبيه ان قلت لخالتي دلوقت على الحقيقه
الام : مش عارفه ليه مش مصدقه الكلام ده
على شروق
هدير : يعني انا كذابه يا ماما
الام : لا ما قلتش كده بس معقول لو واحده
بتعمل الغلط هتيجي تقول لك
هدير : كانت فاكره اني مش هاجيب سيره
الام : وانت غلطت برده لما كلمتي هدير
هدير : كنت عايزه اشوف الغلط بعيني واسكت
الام : باقول لك ايه اللي حصل حصل بس انا
مش عايزه اخسر اختي
هدير : مش فاهمه كلامك يا ماما
الام : يعني انت مالكيش دعوه بيها خالص
هدير : من غير ما تقولي والله بس يا رب هي ليه
ما تكونش ليها دعوه بي
الام : ربنا يهدي لك حالك ايه ده رايحه فين
هدير : هلبس علشان اروح لحماتي
الام : رايحه لي هدير اقعدي خلصي اللي وراكي
هدير : اخليهم يجوا يحضروا الحنه هنا بكره
الام : ربنا يسترها يا بنتي انا خايفه اصلا
هدير : خايفه من ايه يا ماما بس ما تقلقيش
بنتك راجل
الام : للاسف مش خايفه عليك ده انا خايفه منك
وفي شقه ام مراد تفلون شروق رن
شروق : الو ايوه مين
بسنت : انا بسنت يا شروق عامله ايه
شروق : الحمد لله كويسه اخبارك انت ايه
بسنت : بخير والله ايه فينك كده
شروق : رجعت بيت حماتي
بسنت : عين العقل والله يا شروق
شروق : بس مش عارفه ازاي هاعيش مع هدير
دي في بيت واحد
بسنت : لازم تثبتي ليهم انك مش وحشه
شروق : ارجوك خليك جنبي اللي احسن اعك الدنيا
بسنت : انا جنبك والله ما تخافيش
شروق : طيب اقفلي اقفلي هدير جدا
بسنت : شروق لو سمحت بلاش تخليها تستفزك
شروق : ربنا يسترها بقى
هدير : اخبارك ايه يا ماما وحشتيني
الام : الحمد لله بخير يا حبيبتي
ريهام : غريبه يعنى انك تيجي في يوم زي ده
هدير : ايه يا ريهام مالك بقيت انا الغريبه دلوقت
الام : هي مش قصدها يا بنتي بس اكيد وراكي
حاجات كتير اوي
هدير :جايه اقولك يا ماما ياريت تيجي الحنه
عندنا بكره وبلاش تعملي هنا بابا
عامل حنه كبيره في بيتنا
الام :ربنا يخلي ليكي يارب
وخرجت شروق من الاوضه
ريهام :كويس انك صاحيه كنت عايزكي
تنزلي معايا
هدير :رايحه فين انا كده كده رايحه اجيب
حاجات لو حبيتي اجي معاكي
الام :لا يا هدير خليهم هما يرحوا مع بعض
اصل ريهام عايزه تجيب لبس لعيال مراد
وكمان شروق علشان الفرح
هدير :هي شروق هتيجي الفرح
شروق :طبعا ده فرح الغالي اخو الغالي
وقعت ريهام جمب امها و اتكلمت
بصوت واطي جدا
ريهام :دول هيولعوا في بعض
الام :اخرسي وخدي شروق وروحي
ريهام :يلا بينا ياشروق والكل حضر
الحنه ما عدا شروق مكنتش عايزه تروح بيت
خالتها وجه يوم الفرح ودخلت شروق
الفرح بعد ما راحت هدير ورامي والكل
كان مركز معاها ومع جمالها
هدير :معقول دي شروق
رامي :هي شكلها عامل كده ليه دي اتغيرت
هدير :اتكلمت بعصبية ده كل ده مكيب
لو غسلت وشها كله هيروح
رامي :سبحان الله مع اني دافع دم قلبي
بس انتي مش زيها ليه
شروق :قصدك اي 😡😡😡😡
يتبع
تعليقات
إرسال تعليق