النفوس والفلوس
الفصل الخامس
بقلم هويدا زغلول
شروق :مساء الخير
ريهام :اهلا اهلا تعالي يا مرات اخويا الله يرحمه
شروق :مرات مين أنتي بتقولي اي
ريهام :عايزه اي اللي كان بينا وبينك اتقطع
خالص امشي بقي وبالنسبه للعيال
خليهم معاكي اصرفي عليهم
شروق :انا مش مصدقه اللي بيحصل ده معقول
أنا مش بحلم واللي انا فيه ده حقيقي
الام :اي ده فيه اي بسنت
شروق :حتي انتي كمان يا ماما عارفها شكلي
كنت المغفله الوحيده اللي مش عارفه
اي حاجه ونزلت تعيط
بسنت :هي دي مرات مراد
ريهام :ايوه هي الله يسامحها بقي
بسنت :طيب ليه قولتي ليها كده مانتي
عارفه بالموضوع كله
الام :انتي متعرفيش هي عامله فينا
اي والله يابنتي احنا بنعملها بما يرضي
الله دي بنت خالتها اساليها
هدير :دي انسانه مش كويسه ومش كانت
بتحب جوزها وعلي اللي عملته يوم وفاه
جوزها كانت عايزه الفلوس هي بتحب الفلوس
وبس وكل اللي يهمها مصلحتها
بسنت :بس اظن ان لو حتي بنت خالتك قالت
ليكي كلام انصحيها انها غلط بس مينفعش
تيجي تقولي الكلام ده
هدير :ازاي يعني دي كانت ماما ناويه تديها
الفلوس وبعدين انتي مين اصلا علشان تكلمني
كده
بسنت :عندك حق انا كنت جايه اطمن علي
حضرتك ولازم امشي
الام :طيب تعالي يابنتي
بسنت :معلش يوم تاني بقي ونزلت
بسنت وبصت ريهام ل هدير
ريهام :اي اللي انتي عملتي ده
هدير :عملت اي يعني انا غلط يعني
يوم ما بعت بنت خالتي وجيت قولت ليكم
علي اللي بيحصل من ورا ظهركم
الام :لا يابنتي بس مكنش ينفع تكلميها كده
هدير :بعد اذنك يا ماما انا لازم امشي
الام :يوووو يا هدير بطلي تصغري دماغك
هدير :والله ما في حاجه بس لازم امشي
الام :طيب خدي بالك من نفسك يابنتي
وانتي ماشيه ومشيت هدير
وكانت بسنت راكبه عربيه وشافت شروق
عامله تعيط في الشارع
بسنت :لو سمحت اقف علي جمب
ونزلت جري راحت لشروق
شروق :نعم عايزه اي مني
بسنت :عايزه اتكلم معاكي شويه ينفع
شروق :لا مش عايزه اتكلم معاكي
بسنت :والله العظيم انا ما وحشه ياريت
نقعد نتكلم ارجوكي
شروق :لو عندك كلام قولي انا سامعه
بسنت :انا مافيش اي حاجه بيني وبين جوزك
شروق :لا والله وهما هيكدبوا يعني
بسنت :لو قعدنا سوا هقولك كل حاجه
شروق :تمام تعالي وراحوا قعدوا في كافيه
بسنت :انا هقولك علي كل حاجه وحكت
ليها علي كل حاجه
شروق :وازاي مراد ميقولش ليا علي
الموضوع ده ده عمره ما خبي عليا حاجه
بسنت :يمكن كان خايف علي زعلك بس و الله
جوزك كان متجوزني علي الورق بس
شروق :ربنا يرحمه بقي
بسنت :المهم بصراحه انا مش مرتاحه لبنت خالتك
شروق :هدير منها لله فضلت تزن علي دماغي
علشان اسيب البيت وبعدين هي راحت
تتجوز رامي معنديش مشكله بس والله
يابنتي انا ما كان في دماغي الفلوس
بسنت :يبقي تسمعي كلامي
شروق :اتفضلي قولي معاكي
بسنت : ترجعي بيتك وتربي عيالك
في حضنك وحضن أهل جوزك وتعرفي حماتك
أن انتي اللي كويسه واكيد هي مش هتقدر
ترسم وش الملاك ده كتير وهتتكشف
شروق :ارجع فين دي خدت شقتي اتجوزت
فيها وحماتي بتقول لو عايزه ارجع
يبقي اعيش معاها في نفس الشقه
بسنت :ارجعي يا شروق وعيشي لازم
الكل يعرف انها مش كويسه والله انا حسيت
بكده اول لما شوفتها اسمعي كلامي
وده رقمي لو عوزتي اي حاجه
كلمني في اي وقت وروحت شروق بيتها
الام :تخدي عيالك وترجعي بيتك
شروق :مالك فيكي اي
الام :احمدي ربنا ان بنت اختي مقلتش لحماتك
علي اللي شافته علي تلفونك كنتي بتخوني
جوزك منك لله يا بعيده
شروق :والله يا ماما دي كدابه دي عملت
كده علشان تاخد شقتي وكل حاجه منها لله
الام :انا شوفت كلامك بعيني وسمعت
الريكورد اللي بتقولي فيه هموت وابقي
حضنك دلوقتي يا حبيبي
شروق :اكيد الريكورد ده كان لجوزي والله
أنا عمري ما اعمل كده
الام :انا عملت اي يا ربي علشان يحصل فيا كده
أنا جهزت ليكي هدومك يلا من هنا مش
عايزه اشوف وشك تاني
شروق :شكرا يا حبيبتي انك تصدقي
الكدب ده علي بنتك منك لله
يا هدير وراحت بيت حماتها وحماتها كانت
فرحانه اوي أنها شيايفه العيال
ريهام :أي ده اي اللي جابك
شروق :موافقه اعيش معاكم هنا
ريهام : هههههههههههه. ده من أمتي
بقي انشاء الله
شروق : سامحني يا ماما ارجوكي انا عارفه
أن انا كنت غلط
الام :والله انا بحبك ومافيش كره ليكي
في قلبي ربنا يعلم يابنتي
ريهام 'هتعيشي هنا مش في شقتك
انتي شيفاه اخويا هيتجوز فيها
رامي:ولا هنا ولا فوق يلا من هنا انسانه
خاينه واطيه
يتبع
تعليقات
إرسال تعليق