حبيت بلوجر دمرني
الحلقه الخامسه
بقلم هويدا زغلول
حسام /خدي بالك من نفسك
نور /هيغم عليا والله
دينا /انا زهقت منك
نور انا اول مره استلف منك فلوس والله
دينا /فلوس اي يا عبيطه انتي طريقتك دي
غلط وبجد لازم تفوقي لنفسك شويه
نور /حاضر هاتي الفلوس بقي
دينا /حاضر وخدت الفلوس ونزلت علشان
مش عايزه ام دينا تتكلم معاها في اي
حاجه وجه الميعاد وراحت قبلت حسام
وكل شويه حد يجي يتصور معاه
حسام /اكيد زهقتي صح
نور /لا طبعا دول معجابينك وانا بجد بكون
فرحانه اوي أن الدنيا كلها بتحبني
حسام/انا اهم حاجه عندي انتي مش الدنيا
نور /كلامك حلو اوي يا حسام
حسام /انا اول مره اقعد كده واتكلم معاه
حد والله ومش عارف حاسس ب احساس
غريب اوي بيقربني ليكي
نور /عارف يا حسام انا كان كل حياتي
ان اشوفك بس دقيقه انما اقعد معاك واسمع
الكلام ده منك بصراحه شايفه أنه كتير اوي
حسام /انتي ممكن تتجوزني يا نور
نور /حسام انت بتتكلم بجد
حسام طبعا انا هعوز اي من الدنيا غير
أن وحده تحبني زي ما انتي بتحبني
نور /بجد انت مش عارف قلبي بيعمل اي
دلوقتي انا فرحانه اوي انا بحبك اوي انا ......
حسام /اهدي يا مجنونه الناس بتبص عليا
نور /بجد انا مش عارفه اقولك اي يا حسام
حسام /بس فيه حاجه عايز اكلمك فيها
نور /خير انا سمعاك
حسام /انا طبعا والدي راجل صعيدي
وصعب جدا في التعامل اه انا بلوجر ومشهور
بس في حاجات مش بيوافق بيها يعني هو
مصمم أن اتجوز بنت عمي ورافض جدا اتجوز
اي حد غيرها
نور /طيب انت ناوي علي اي
حسام انا راي نحطه قدام الأمر الواقع
نور /مش فاهمه كلامك يا حسام
حسام /نتجوز عرفي وبعدين نبقي نقول ليه
نور /عرفي لا ازاي
حسام/مسك ايديها وقالها امال فين بقي
أنك بتحبني
نور /اكيد بحبك بس عرفي ازاي واهلي
حسام /هما اهلك ممكن ينزلوا مصر
لو عرفوا أن جاي ليكي عريس
نور /اكيد طبعا ده انا بنتهم الوحيده
حسام /خالص انا هبظت اموري واحاول لكلمة
اهلي أن بحب وحده ومصمم اتجوزها
نور /ومتعرفش انا ممكن اعمل اي علشانك
حسام تمام طيب انا لازم امشي دلوقتي
نور /هو احنا لحقنا نقعد مع بعض
حسام /معلش لازم اروح وفعلا مشي
وهي راحت عند دينا
شيماء /تعالي ادخلي
نور /ازيك يا ماما
شيماء /بخير كويس انك جيتي عايزه اتكلم
معاكي شويه
نور /انا تعبانه اوي ومحتاجه انام ومش عايزه
اكون لوحدي ممكن نخليها للصبح
شيماء /في اي يا نور انتي اي اللي حصلك
نور /مالي بس
شيماء /تصرفاتك بقت كلها غلط والكلام ده
مينفعش يا بنتي
نور /عملت لي طيب
شيماء /انا عارفه أن كنت قاسيه اوي عليكي
بالكلام بس أنا بحبك وبخاف عليكي والله
زيك زي دينا بالظبط
نور حسام عايز يتجوزني
شيماء / كويس معاه اي بقي
نور /معرفش بس هو بلوجر
شيماء /يعني اي بلوجر رئيس جمهورية
مثلا انتي طالعه بيه السماء علي اي
انا لو حد مشغل لايف ليه بتنرفز وشيفاه
عيل صايع بيشتغل اي بقي
نور /معرفش بس باين مش بيشتغل هو
اصلا مش محتاج
شيماء /وانتي قولتي اي لما قالك عايز
يتجوزك
نور /فرحت طبعا
شيماء /انتي موافقه علشان انتي بتحبي
ولا علشان بلوجر
نور /اكيد طبعا الاتنين هي هتفرق
شيماء / اكيد طبعا تفرق كتير
اولا انتي متعرفيش اي حاجه عنه
نور /هنروح نسال عليه مثلا
شيماء /وليه لا مش جاي يتجوز بنتنا
نور /هو محتاج يتسال عليه
شيماء /طبعا يابنتي هو الجواز ده لعب عيال
ولا اي مش لازم نعرف كل حاجه عنه انتي
اي يا نور بجد انا كنت فاكره عقلك كبير
طلع مخك صغير جدا الكلام ده مينفعش
نور /والله انا مش قادره اتكلم في حاجه وبعدين
هو لسه هيقنع أهله علشان هما عايزينه
يتجوز بنت عمه
شيماء /كمان ادخلي نامي يا نور جمب دينا
نور /تصبحي علي خير
شيماء /اتمني اللي جاي يكون خير
ودخلت نور وكانت مضايقه جدا من كلام
شيماء وحاسه أن ملهاش انها تدخل في حياتها
بالطريقه دي واتصلت ب امها
نور /الو ايوه يا ماما
الام /ايوه يا حبيبتي الفلوس بكره هتكون عندك
نور /انا جالي عريس
الام /انت يابنتي بتفكر ازاي هو ده الورق
اللي طلبته منك اتفضل علي مكتبك
نور /ماما ارجوكي انا اكتر وقت عايزكي فيه
جنبي هو دلوقتي بقولك جالي عريس
الام /الف الف مبروك يا حبيبتي
نور /مبروك وانتي عند كبت ماما
الام /انتي عايزه اي يا نور
نور عايزه ام يا ماما عايزه حد يكون جنبي
حد يخدني في حضنه لما اكون مخنوقه انا
عالطول لوحدي انا بيجي عليا وقت مش باكل
علشان لوحدي انهارده علشان مخنوقه جيت
عند دينا كان نفسي اروح بيتي لامي
تخدني في حضنها
الام /منا قولت ليكي تعالي عيشي معانا
وانتي اللي مش راضيه
نور مش عايزه يا ماما
الام /وانا ذنبي اي بقي اضيع مستقبلي
علشان خاطر انتي انانيه ومش عايزه تيجي هنا
نور /هو انا مش مستقبلك
الام /نور روحي نامي ونتكلم بكره
نور قفلت السكه وهي عامله تعيط وكلمت حسام
حسام /انا كنت بجهز علشان اطلع لايف
بس اول ما شوفت رقمك كلمتك
نور /انا موافقه يا حسام
حسام /علي اي مش فاهم
نور /نتجوز عرفي
يتبع
حلوه اوي
ردحذف