روايه جارتي المجنونه
الجزء العاشر
بقلم هويدا زغلول
هشام :مالك يا ساره
ساره ؛خايفه اوي علي امل
هشام :هي اي الحكايه بالظبط مش فاهم
ساره :مالك يا هشام فيه اي
هشام :امل امل امل دي لو اختك
مش هتعملي معاها كده
ساره :لا مش اختي بس حطيط نفسي
مكانها لو انا وانت حصل بيني وبينك
حاجه كنت هعمل اي كنت أتمني أن
يكون في واحده تقف جنبي وتخاف
عليا زي ما انا بعمل مع امل كده
هشام:لا انا مش مصدق انتي بقيتي
نكد اوي
ساره :اه نكد عارف نكد ليه علشان
طلعت لقيت نفسي لوحدي ماليش حد
عمتي كانت رافضه تماما اطلع اعيش
معاها مع أن انا كنت بخاف والله ولما
كبرت قالتلي جايلك عريس وشغال في
السعوديه فرحت جدا من قبل ما اشوفك
يا هشام كنت بسمع أن الجواز حلو اوي واكيد الراجل بيحب مراته زي ما كنت
بشوف في الافلام ههههههههه اكتشفت
غير كده خالص انك عايز وحده تتجوزها
علشان سنك كبر مش اكتر بس وتاني حاجه تجيب خدامه لامك لأن اختك لازم
هيجي عليها وقت وتتجوز انما انا رفض
أن استسلم للامر وقررت اشتغل عمرك
شوفت وحده وصلت للي انا فيه وهي
مش معاها مؤهل عالي ومش علشان
ماشيه علي حل شعري زي ما كانت مامتك بتقول ربنا حب يعوضني عارف
ليه يا هشام انا كنت بشيل فلوسك
مش باجي جنبها علشان عمري ما حسيت
انها فلوسي
هشام :ياه ده انا وحش اوي طيب ليه
عائشه معايا وانتي جواكي كل ده
ساره :علشان الوحده خايفه اموت
وانا لوحدي مش عايزه بنتي تطلع زي
انت اخر حاجه هتعملها اي هتروح تتجوز
وانا لو موت بنتي هتبقي زي انما بقي
طول ما أنا متجوزاك بنتي هتكون في امان
هشام :هو ده السبب بس
ساره :شوفت منك اي علشان استحمل
منك اي حاجه
هشام:وانا هخلي بالي من بنتي يا ساره
ومش هسبها
ساره :قصدك اي مش فاهمه
هشام :انتي طالق وانا مش عايز اعيش
معاكي ثانيه واحده
ساره :انت بتقول اي
هشام :انا كمان عمري ما حبيتك وانا
متجوز في السعوديه حبيبتي القديمه
أطلقت بعد جوزاي منك بشهرين
وجت وقالت إنها لسه بتحبني وكانت
مغصوبه عليا زي ما انا كمان كنت
مغصوب عليكي
ساره :عادي يا هشام مش فارقه وكل
الفلوس اللي في حسابي بكره هتكون
عندك
هشام :لا دي فلوس بنتي خليها معاكي
ساره :ماشي
هشام :انا رايح عند امي لحد ما اسافر
ساره :تمام وخرج وساره انهارت من العياط
ليه كده عملت اي في دنيتي علشان يحصل ليا كل ده حرام والله انا تعبت
جودي :ماما انتي كويسه
ساره :ايوه يا حبيبتي
جودي :طيب هو انتي بتعيطي ليه
ساره :علشان علشان علشان بحبك اوي
جودي :هاتي بوسه يا ماما
ساره :حبيبتي والله انتي اللي مصبراني
علي هم الدنيا دي والجرس رن
فتحت ساره
امل :مالك فيكي اي
ساره :انا تعبانه جدا يا امل
امل :طيب تعالي يا حبيبتي اهدي ودخلت معاها شقتها وحكت ليها علي
كل حاجه
امل :ياه وانا اللي كنت فاكره أن انا بس
اللي مظلومه في الدنيا دي طيب
تحبي اتكلم معاه
ساره :لا بس انا عايزه اعرف ليه
قولت ليه كده مع أن بحبه اوي والله
وفعلا بقي حاجه غاليه عندي
امل : كرامتك اغلي من اي حد
ساره :بنتي صعبانه عليا اوي
امل :بنتك هتتربي والله طول ما هي
في حضنك عمر ما كان الراجل هو
الحمي بالنسبه للست وانتي طول عمرك
عايشه لوحدك من غير راجل اي الجديد
يعني والجرس رن
امل :خليكي انا هروح افتح
هشام :انا اسف يا ......
امل :استاذ هشام بعد اذنكم
ساره :خير يا هشام
هشام :انا مش عارف ازاي قولت كده
ساره :انت قولت اللي في قلبك
هشام :بس والله انا بحبك وفعلا انتي
حاجه غاليه عندي اوي
ساره :مبقاش ينفع يا هشام
هشام :ساره ارجوكي اديني فرصه
اصلح اللي انكسر
ساره :هو اي اللي انكسر قلبي ولا يهمك
عادي بكره هو هيعود زي ما اتعود علي
حاجات كتير
هشام :انا هرجعك
ساره :وانا مش عايزك خالص
هشام :مش بمزاجك يا ساره
ساره :لا مهو انا بقيت اعرف اخد حقي
كويس اوي وكان في صريخ جاي من
شقه امل
ساره :اوعي كده
امل :الحقني يا ساره
ساره :ياسر انت اي اللي جابك هنا
ياسر :لو سمحت بلاش تدخلي
هشام:ياسر في أي
امل :عايز يخلص مني
هشام : ياسر انت اتجننت صح
ياسر : ارجوك يا هشام مش عايز
حد يدخل
امل :انت عايز تقلتني زي ما بنتك ماتت
ياسر :انا هاخد حقي منك
ساره :لسه مافيش بوليس يحميها
ياسر :ماشي يا امل ونزل
ساره :تعالي يا حبيبتي
امل :انا مش عارفه اعمل اي والله
خلاص مش بقيت مستحمله
هشام :انا هتكلم معاه وهخلي يبعد
عنك خالص
امل :ده انسان كداب مش عارفه ممكن
يقول عليا اي
ساره :متخافيش طول ما أنا جمبك
هشام:انا عايز اكمل كلامي معاكي
ساره :خلاص مبقاش في كلام بينا
هشام :طيب انا هسيبك دلوقتي ونتكلم بعدين يا ساره ومشي
امل :ساره ارجوكي انا عايز اخد حقي
من ياسر
ساره :ازاي بس
امل :هشام الوحيد اللي هيقدر يجيب
حقي منه
ساره :انتي شيفاه اللي حصل وانا وهشام سبنا بعض
امل :ارجوكي لازم انتقم منه
ساره :والله لو كان ب ايدي كان عمري
ما هتاخر وفي فيلا ياسر
مي :اي كنت فين
ياسر :مي ارجوكي مش وقته
مي :روحت ليها صح
ياسر :يوووو قولتك خالص بقي
مي :لا مش خالص انا وفقت اكمل معاك
علي اساس انك تتغير بس شكله مافيش
فائده
ياسر :انا مش هسيب حق اخويا
مي : ههههههههه اخوك مين اللي كنت
بتخونه مع مراته
ياسر : اششششش وطي صوتك ماما تسمع
مي :خايف من الفضيحه مش اكتر صح
ياسر :انتي عايزه اي يا مي
مي :اطلق
ياسر :شكلك اتجننتي صح
مي :لا بقيت عاقله انا مينفعش كنت
اعيش مع انسان خاين زيك وللاسف علشان بحبك كملت بس دلوقتي مينفعش
ياسر :وانا مش هطلقك
مي :خالص البيت كله يعرف اخوك مات
ازاي وبعدين نشوف
ياسر:طيب ارجوكي خليكي جمبي دلوقتي بس ارجوكي
مي :انا في بيت اهلي لحد ما ورقتي تيجي
ياسر :والله موتك هيكون علي ايدي يا امل وبكره تشوفي
وفي شقه ساره
ساره :جودي حبيبتي ينفع تقعد هنا
عقبال ما اجي
جودي :اجي معاكي يا ماما
ساره :ماما هتجيب حاجات كتير ومش
هعرف اشيل الحاجه وامسكك انتي
حبيبتي عسل اوعي تفتحي
الباب لحد
جودي :حاضر يا ماما
ساره :قلب ماما والله ونزلت ودخلت جودي البلاكونه
امل :جودي صباح الخير
جودي :صباح الخير
امل :امال ماما فين
جودي :نزلت تجيب حاجه
امل :امممممم طيب انا كنت نازله تيجي
معايا
جودي : لا اصل ماما قالت مش افتح الباب لحد
امل :بس اما اخت ماما وانا هتصل بيها
جودي :طيب تمام ونزلت معاها
ورجعت ساره
ساره :جودي يا جودي انتي فين وفضلت تدور عليها وتصرخ
طارق :مالك فيكي اي
ساره :بنتي مش لاقيها
طارق :انا لسه شيفها نازله مع امل
ساره :نعم ازاي يعني معاك رقم امل
طارق :ايوه ثواني وخدت الرقم
ساره :أيوه يا امل انتي فين
امل :مع جودي
ساره :حرام عليكي ارجوكي رجعي بنتي
امل :لما تعملي اللي انا عايزه
ساره :حرام عليكي يا امل بنتي فين
امل :قولتك مش هتشوفيها تاني
ساره :انا ذنبي اي عملت ليكي اي
امل : هشام لازم يرجع ليا حقي من ياسر
ساره :واحنا مالنا بيكم اصلا حرام عليكي ذنبي اي
وبعدين مانتي عارفه أن سبت هشام
امل :خليكي اتكلمي كتير لحد ما جودي تروح ل مريم
ساره :لا لا ارجوكي حرام عليكي بنتي ملهاش ذنب
امل :وانا كان ذنب بنتي اي انها تموت ردي عليا
ساره :طيب هعمل ليكي اللي انتي عايزه والله بس
رجعي بنتي
امل :انا كده كده هرمي الموبيل ده ومش هتعرفي حاجه
عني الا بمزاجي
ساره :لا لا ارجوكي اصبري الو الو
طارق :مدام ساره
ساره:انت عايز اي انت كمان
طارق :انا هعرف ارجع بنتك
ساره:انا هوديك في داهيه شكلكم عصابه
طارق :اهدي كده وتعالي اوريكي حاجه
وطلعوا فوق السطوح وكانت الصدمه
لما شافت .....
يتبع
اخر جزء هينزل بليل لو جاب ٢٥شير
تعليقات
إرسال تعليق