عشان سودا حوزي اتجوز عليا الشغاله وحصل؟
---------
كانت قاعده فرح في بلكونه بتفتكر ذكريات وتبكي
فلاش باك
في المدرسة
آمال
ايه ده انتو جيبين البت سوده دي تقعد جانبي ،انا آمال القاضي تقعد جانبي واحده سوده ،يامس عبير خلي البت سوده دي تقعد بعيد عني
فرح بحزن
وليه شيفاني اني مرض مينفعش يقعد جانبك ،انا مش هاذيكي
آمال
انتي اصلا متقدريش تاذيني ،بس أنا مش بحب الناس السوده اللي زيك
فرح
تعرفي يابت عندك قلب زي الناس السوده اللي زي كنتي يومها هتشوفي كل الناس جميله أنه مش بشكل ولا اللون هي بصفاء القلب الروح
آمال
انتي بتقولي كده عشان انتي مش بيضه زي وبعدين انا مش هتناقش مع واحده سوده زيك
باك
ثرية
وانتي قاعده هنا بتعملي ايه ،وكمان بتبكيلي ،روحي شوفي بت خالتك جابها عريس ورايه الكويت وانتي شكلك ده مفيش حد هيعبرك
فرح
بس انا مش وحشه لدرجة دي ليه شيفاني وحشه كده
ثرية
لا انتي وحشه مش زي البنات شايفه بنات العيله كلها اتجوزت ده حتي اللي اصغر منك اتجوز وانتي قاعده
فرح
ياماما ده نصيب ملناش دخل فيه ،ربنا اكيد شايلي حاجه احسن
ثرية
لا لينا بوشك ده لينا ، ياريت كنت جيتي زي اخوكي بيضه ،كان زمانك متجوزه ومخلفه دلوقتي
محمود
مش انا قولت كذا مره انك متكلميش فرح بالاسلوب ده
وانك تبطلي تحسبيها علي حاجه ملهاش دخل فيها
ربنا خلقها ربنا اللي هو ربنا صورها ف احسن صوره ،انتي بقي جايه تعدلي علي خلقة ربنا وتقولي أنها وحشه
فرح بدموع
قولها يا محمود قولها عشان تبطل تحاسبني علي حاجه مليش دخل فيها
_____
فايزه
ايه يا عصام مش هتتجوز مش عجبني حاجه ده انت مش اخر واحد يطلق اتجوز يابني عايزه اشوف عيالك قبل ما اموت
عصام
والله ايدي علي رجلك هاتيلي عروسه وانا موافق عليها بس تكون بنت الناس مش زي اللي غارت دي
فايزه
ايه رايك ف فرح بت عمك سامي جيرانا بنت محترمه ومتربيه وانا بحبها خالص وانا متاكده أنها هتصونك
عصام
سوده دي عايزه تجوزيني واحده سوده
فايزه
بس ترضه بيك بس ، اهو احسن من اللي كنت متجوزهت كانت بيضه بس صنف تربيه معداش عليها ،يابني اهم حاجه تربيه مش شكل
عصام
اللي تشوفيه ياماما أنا مش هكسر كلمتك حتي لو أنا مش مقتنع اهو اجرب مش خسران حاجه
فايزه
ايوه كده انت ابني امشي ورايا بس انت هتكسب والله البت سكر خالص كفايه روحه حلوه بنت غلبانه مش زي البنات بتوع اليومين دول
__________
بالليل ف البيت خالة فرح
ندي
ايه ده يا فرح هو انتي لسه متجوزتش لحد دلوقتي انت معايا ريتال واياد عقبال لما اشوف عيالك
فرح
مش بفكر ف الموضوع ده دلوقتي سيباه لوقته ،ربنا يخلي ياحببتي
ندي
اممم سيباه لوقته ولا محدش بيجيلك اصلا
فرح بصت عليها ومشيت من قدامها خالص
ثريا
تعالي يا فرح سلمي علي عمك احمد
فرح
ازيك ياعمو احمد اخبارك ايه ،من زمان ما شوفوتش حضرتك
أحمد
كبرتي يا فرح أنا الحمد لله تمام بخير انتي طمنيني عنك
، بقولك يا ثريا مش لو كنتي جبتي فرح زي ما محمود كده بيضه كان احسن هههههههه
ثريا
اصلي محمود طالعلي وهي طالعه لابوها الله يرحمه نفس لون هههههه
فرح بحزن
يارب دايما تكون بخير ياعمي استأذن أنا
أحمد
ايه ثريا محدش بيجي الفرح ولا. ايه عايزين نفرح بيها اوعي لما نتجوز متعزمنيش هزعل
ثريا
لما تتجوز بقي ابقي اعزمك بس تتجوز وكله ساهل
أحمد
هتتجوز هيجلها واحد لونها هتتجوز هههههههه متقلقيش
ثريا
لما نلاقي حد لونها بقي هنجوزها ههههه
فضلت فرح تبص عليهم تسمع كلامهم وكاتمه دموعها
فرح لنفسها
ياربي هو انا كل ما اروح مكان كله يتريق عليا يارب امووت
محمود
الجميل سرحان ف ايه ، ومالك واقفه ليه بعيد كده لو مش عجبك الجو يلا نروح
فرح
مفيش يا محمود اهو انتي عرفني أنا مش بحب الدةشه وملاش امك جيباني بالاجبار مكنتش هاجي
محمود
امممم هو حد زعلك هنا قوليلي وانا هجبلك حقك وحط صباعي ف عينه
فرح
لا محدش زعلني بس انا مش حابه المكان ممكن تروحني
محمود
ياماما أنا عندي شغلك بكره بدري هاخد فرح معايا وخلي تامر يجيبك لما تحبي تروحي
ثريا
طب سبب فرح تقعد شوية وانت روح
محمود
لا. هاخدها عشان تحضرلي الاكل ، يلا يا فرح نروح
-------
ف الشارع
محمود
فمي تكشيره عشان لما تضحكي الدنيا بتضحك كده ،انتي ضحكتك حلوه اووي يا فرح
فرح
والله مافي حد بيجبر بخاطري غيرك ربنا يطيب خاطرك يا محمود
محمود
ايه رايك اجبلك ايس كريم توت اللي بتحبيه نروح البيت مشي
فرح بسعاده
انت ازاي بتقرا أفكاري كده ، أنا موافقه جدا جدا
محمود
عشان حافظك يا فرح ده انا يعتبر مربيكي علي ايدي
فرح
محمود فوق انت اكبر مني بسنتين بس يعني متسرحش بخيالك
محمود
هههههههه. هو انا مينفعش اهبد معاكي ابدا طب مفيش ايس كريم توت بس
فرح
خلاص خلاص انت اللي مربيني اقولك انت كمان اللي كنت بترضعني ولا تزعل
محمود
لاااااااا كل الا دي مربيكي بس يا قليلة الادب
فرح
علي قلة الأدب فهي بعض مما عندكم يا اخ محمود
محمود
طب خدي الآيس كريم خفي لت
فرح
الايس كريم توت بينزل ف قلبي مش ف معدتي ااااه علي طعمه
محمود
بالهنا وشفا ياحببتي واعيش وخليكي مبسوطه
فرح
ما تشلني فوق كتفك رجلي وجعتني
محمود
طب بذمتك أشيل عجله علي كتافي ليه حصل ف دنيا ايه
فرح
منا رجليا وجعتني من المشي مش قادره
محمود
اومال فييين اللي كانت بتقول أنا بحب امشي تعرف يا محمود أنا بحب امشي علي ضوء القمر تعرف يا محمود مشي ده لغة الحب الخاصه بيا
فرح
مدخلنيش ف تفاصيل دلوقتي هههههه
محمود
طب تعالي نقعد علي رصيف شوية عشان رجليكي
فرح
لا خلاص احنا كده كده قربنا نوصل البيت
__________
تاني يوم
جرس الباب بيخبط
ثريا
انتي ياللي اسمك فرح سيبي تيلفون روحي شوفي الباب تلفون مش هيطير
فرح
حاضر ياما رايحه افتح الباب اهو
بصت فرح من العين السحريه ...ايه ده طنط فايزه
فرح
وانا بقول البيت نور ليه اتاري طنط فايزه عندنا نورتي يا طنط والله
فايزه
ده نورك يا فرح ،والله أنا لما بشوفك بحس قلبي مطمن يام وش بشوش انتي
فرح بسعاده
والله يا طنط فايزه مش عارفه اقولك ايه علي كلامك اللي زي سكر ده بس سكر مش بيطلع غير سكر
ثريا
اتفضلي يا فايزه واقفه علي الباب ليه ده حتي البيت بيتك
فايزه
اصلي لما بشوف فرح بنسي كل حاجه طلت بنتك حلوه وضحكتها احلي
ثريا
والله انا مش عارفه انتي شيفاها كده ازاي هههههههه
فايزه
ما انتي للاسف مش عارفه قيمة بنتك فرح مفيش زيها ادب اخلاق روح حلوه بس هنقول ايه
ثريا
يعملي ايه الادب وهي متجوزتيش لحد دلوقتي
فايزه
منا جيالك ف ده ، أنا مش هلاقي احسن من فرح لابني عصام ،هو لسه مطلق ملهوش شهر قولت فرح هي اللي هتصونه
ثريا
لوولولوليى علي خيرة الله مطلق مطلق كويس أنها هتتجوز
فايزه
قولتي ايه يا فرح رايك مهم ولا مش موافقه أنه مطلق
ثريا
ملهاش رأي انا خلاص موافقه ،عايزين نحدد يوم عشان نقرا الفاتحه
فايزه
لا اهم حاجه عندي رأيها ،. قولتي ايه يا فرح
فرح بحزن
اللي تشوفه ماما واخويا انا موافقه عليه
فايزه
يبقي علي خيرة الله ،انا أن شآء هجيب عصام بكره عشان نقرا فاتحه ، هروح انا اروح عشان اقول لعصام عشان نظبط حالنا
ثريا
علي عموم احنا منتظرينكم ف ايي وقت
_____
ثريا
بارك لأختك يامحمود جابها عريس هنقرا الفاتحه بكره أن شاء الله
محمود
عريس ، عريس مين مش المفروض نسأل عليه الاول وبعدين يجي ، وبعدين فرح موافقه
ثريا
لا ده ابن طنطك فايزه يعني مش غريب
محمود
بس ده متجوز فرح هتتجوز واحد متجوز
ثريا
لا مش متجوز كان متجوز هو طلق محصلش نصيب هو ولا اول ولا اخر واحد يتجوز يعني حاجه متعبهوش ، دول الباقي علي المعيوبه بتاعتنا ده كويس أنه وافق بيها
محمود
أنا مش عارف هتفضلي تبصي لفرح انها قليله لأحد امته هتفضلي تقولي كده لحد امته فرح مش وحشه ، كل واحد جميل بالطريقة بتاعته وهي جميلة الجميلات من نظري
ثريا
عشان أعمي شيفاها جميله ، روح هات حاجه سوده حطها جنبها مش هتلاقي فرق
محمود بحزن.
ياريت لو بتحسين بالكلام اللي بتقولي مكنتيش هتتكلمي تاني ،افتكري أنها بنتك أفتكري ده كويس
فرح بابتسامه
خلاص يامحمود محصلش حاجه لكل ده انا موافقه
محمود
فكري تاني يافرح ده جواز مش لعب عيال وانتي قاعده معززه مكرمه فين اهلك
ثريا
خلاص قالتلك موافقه ،مش جابره حد علي حاجه انا
محمود
مش ضروري تكوني جبراها أنها توافق ممكن هي بسبب كلامك ده حابه تهرب منه عشان ترتاح
ثريا
بسبب كلامي محسسني اني بكدب أنا بقول الحقيقه
لما محمود سمع ردها سبها ومشي
----&&&&&&
تاني يوم
جات فايزه وعصام البيت
فايزه
تعالي يافرح أقعد جانبي ، عايزه اقولك حاجه ايي مشكله تحصل مابينكم تعالي قوليلي وانا هتكلم ودنه
فرح بضحكه
ههه أن شآء الله محصلش مشاكل عشان متحكليش ودنه
عصام
أنا بقول بدال قرايت فاتحه متخلوها كتب كتاب بالمره أنا كده كده جاهز مش نخليكم تجيبوا حاجه
ثريا
احنا معندناش ايي مانع ، انزل يا محمود هات المأذون يلا خير البر عاجله
محمود
طب ناخد رأي فرح الاول لحسن تكون مش موافقه علي الاستعجال ده
فايزه
ياعم اسمع الكلام روح خلينا نفرح حد لاقي فرح
بعد شويه
المأذون
بارك لكما وبارك عليكما وجمع بينكما في خير
ثريا
الف مبروك ياحببتي ، الواحد مش مصدق انك خلاص اتكتب كتابك ياااه واخيرا
فرح
الله يبارك فيكي يا ماما
ثريا
تعالي يلا علي سفره عشان الاكل هايبرد ، فرح هي اللي طابخه
فايزه
أنا بقول الاكل ريحته حلوه ليه كده اتاري العروسه هي اللي عملاه
محمود
اتفضلوا انتو هتعزموا يلا كلوا ، فرح عليها صنية مكرونه بالبشاميل ملهاش حل ،دوق يا عصام هتعجبك
عصام
الله طعمها مختلف ، عاملها ازاي دي ميبنش عليكي شاطره دي ، تسلم ايدك
فرح
بالهنا والشفا
----------
ثريا
الو يا فاتن معلش والله مقدرتش اعزمك جات بسرعه ، معلش تتعوض ف محمود
فاتن
مع اني زعلانه بس مش مهم الف مبروك لفرح الحمد لله لقينا حد يتجوزها بدال ما كانت هتبور
ثريا
ايوه والله الحمد لله أنا كنت خايفه أنها تقعدلي ف البيت بسبب وشها الاسود بس اهو اتسترت
فاتن
اه قوليلي هي هتروح بيت جوزها امته علي كده
ثريا
ممكن بكره او بعده ، يعني خلال الأيام دي
فاتن
علي خيرة الله الف مبروك تاني مره
محمود
هتوحشيني يافرح والله الواحد مش عارف البيت هيكون عامل ازاي من غيرك ، طب مين هيعملي الاكل اللي بحبه
فرح
عارف يا محمود انت احن واحد عليا ف الدنيا ، فكرة أنه خلاص هتجوز وهسببك دي وجعاني
محمود
منا مش هسيبك أنا هيجيلك كل يوم اومال مين اللي هياكلني انتي عارفه اكل امك طعمه عامل ازاي
فرح بضحكه
هههه ياعم اسكت لاحسن اسمعك تضرك من البيت
محمود
علي رايك انا هسكت احسن
_________
عصام
اتفضلي برجلك اليمين يا عروسه ، شقه نورت
فرح بكسوف
بنورك ، ممكن تساعدني اني اقلع الفستان
عصام
انتي تؤمري ، أنا معرفش بتستحملوا فساتين دي ازاي
بعد شويه غيرت هدومها قاعدت جانبه
عصام
تعالي نقعد ف بلكونه شويه الجو حلو النهارده وسما صافيه
فرح
تعرف اني بحب سما ونجوم اووي
راحوا قعدوا علي كراسي
عصام
وانتي بقي ليه وافقتي عليا مرفضتيش
فرح
طب ممكن اسالك نفس سؤال انت
عصام
انا وافقت عشان امي بتحبك قولت مكسرش كلام امي خصوصا الأمهات تبقي نظرتها بتكون ف محلها
فرح
انا وافقت عشان بحبك امك جدا ست كويسه وطيبه خالص
فضلوا يتكلموا يتناقشوا طول الليل
----&-
ف الصباح
ثريا
عامل ايه معاكي جوزك بيعاملك كويس
فرح
ياماما ده انا لسه متجوزه امبارح يعني ملحقتش ، بس هو باين عليه أنه كويس يعني
ثريا
انا اهم حاجه عندي راحتك اشوفك كويسه دي عندي بالدنيا
فرح باستغراب
اول مره ياماما تقوليلي كده ، هو فيه حاجه هتحصل
ثريا
لا مفيش حاجه هتحصل ، يلا هقوم امشي انا عشان اخوكي ،خلي بالك من جوزك
نزلت ثريا من الشقه راحت فرح تصحي عصام
فرح
قوم يا عصام عشان تتغدي احنا بقينا العصر
عصام
مش قادر اقوم يا نور مش قادر سبيييني شويه
فرح بحزن
بس انا مش نور انا فرح يا عصام اصحي
عصام
يووووووووه قولت مش قادر اصحي فيه ايييييه الواحد ميعرفش ينام
فرح
مكنش قصدي انت نمت كتير وانا حضرت الاكل محصلش حاجه
عصام
شكلك نكديه هتتعبيني اخرجي بره خليني اكمل نومي
خرجت فرح بره فضلت تعيط وتقول
عايزاه يعملك ازاي يا فرح ده واحد شكله واخدك علي بيعه يعني واخدك كده ، متعشميش أنه واخدك عشان حايك هو انا كده مكتوب عليا أنه كل لازم يدوس عليا ويبين اني مستحقش اي حاجه
بالليل
عصام
الو يا ابتسام لا النهارده مش هقدر اجيلك ، عشان اتجوزت
ابتسام
بتقولها ف وشي كده انك اتجوزت ،طب وانا
عصام
امي يا ستي جوزتني واحده سوده ملهاش قلبه من عدله قولت اتحوزها عشان اني تبطل عليا زن اني اتجوز
ابتسام
عصام يتجوز واحده سوده ههههه لا واقعت شاطر صعبه
عصام
دي واقعه متنيله نبيله علي عموم اقفلي عشان هي بتنده عليا
فرح
يا عصام يا عصام ،تعالي سلم علي صحبتي جايه تباركلي
عصام
اهو جاي اهو
فرح
اعرفك بعصام جوزي يا ملك ، ملك ده عصام جوزي
عصام
ايه الحلويات دي اومال أنا حظي ماله هههههههه اتشرفنا يا ملك
فرح بابتسامه برغم من زعلها من كلامه
ملك فعلا جميله وكمان روحها حلوه
عصام
ههههه واضح عليها جدا
فضل يبص عليها وعنيه متشلتش من عليها
-------&-&
بعد مرور شهر
فرح
أنا زهقانه ،ممكن تحرجني بره اغير جو
عصام
أنا أخرج معاكي انتي عايزه الناس تفضل تتريق علي اختياري ،انا عندي معاد مع صحابي دلوقتي اصلا
فرح
طب خلاص انزل انا وانت روح مشوارك
عصام
لا مفيش طلوع عندك البلكونه روحي اقعدي فيها غير كده لأ
مشي عصام وسابها قاعده لوحدها
كانت قاعده وماسكه الفون فجاه جالها رساله من علي الماسنجر
من مجهول
جوزك قاعد مع بنات ف شقه لو مش مصدقاني اصورهولك
فرح
لا انا واثقه ف جوزي ، جوزي ميعملش حاجات دي
من مجهول
دقيقه اصورهولك هو ف حضنها ، أنا بس مش عايزك تنخدعي
بعتت ليه صور مع البنات ف منظر مش محترم
فرح بصدمه بدموع
لالالا مش كده لا لا لا اكيد ف حاجه غلط هو مش وحش كده لا
لبست العبايه وراحت عن بيت اهلها
_______
ثريا
بطلي عياط قوليلي ايه الحصل فهميني ايه كلمة أطلق أطلق دي اللي ماسكه فيها
فرح
طلع خاين وبتاع بنات ، وانا اقول اتجوزني ليه بسرعه اتاري عشان يلعب بديله كويس ، أنا عايزه اطلق مستحيل اقعد معاه تاني
ثريا
لا مفيش طلاق الناس تاكل وشنا انتي مكملتيش شهرين جواز عايزه تتطلقي لااااا ، احنا نكلم امه وتشوفه
فرح
بقولك طلع خاين
ثريا
بس اسكتي بس هاتي تيلفون اكلم فايزه اخليها تيجي كده كده البيت جنب البيت عشان نش ف حل للمشكله دي
ثريا
الو يا فايزه عايزاكي ضروري ف البيت ،لالا تقلقيش مفيش حاجه بس عايزاكي
فايزه
حاضر ،البس العباية وجاية
بعد شويه
فرح
أنا عايزه اطلق يا طنط ابنك طلع عنيه زايغه وبتاع بنات
فايزه
طيب اهدي طيب كله هيتحل بس بلاش طلاق ولا كلام ده
ثريا
قوليلها يافايزه الناس تاكل وشنا غير أنها مش حلوه ما صدقنا حد يبص عليها وتتجوز
فايزه
البسي العباية بتاعتك يا فرح يلا عشان تروحي ، متقلقش الحاجات دي مش هتتكرر تاني
فرح
بس انا مش عايزه اروح أنا عايزه اطلق
فايزه
يلا ارجعي بيتك ، البسي عبايتك ويلا
لبست العباية بتاعتها فرح ورجعت شقتها
___________
عصام
بقي واحده زيك تفضحني قدام امي ، زعلانه اوي علي ايه ما انتي اصلا مايتبصش ف وشك ، روحي بصي لنفسك هتعرفي بعرف عليكي ستات ليه
فرح
مكنتش اتجوزتني كنت سبتني ياخي ، جايب عليا لوم ده انت بجح اوي
عصام
كمان مش عاجبك الكلام أنا هربيكي من اول جديد ،عشان تعرفي تكلميني كويس
مسكها من شعرها فضل يجر فيها
عصام
ماسكها من شعرها يقولها
بصي علي نفسك ف المراية بصي علي لونك كده ،بظال ما تشكريني اني اتجوزتك رايحه تقولي لامي اني بعرف بنات
فرح بعياط
سبني سبني لو مسبتنيش هصرخ ولم عليك الناس
عصام
أنا هسيبك مش عشان خايف منك لا عشان انتي متستهليش ايي حاجه
------&&&&
بعد اسبوع
عصام
اعملي حسابك أنا عازم عيال عمي علي عشا
فرح
حاضر ، هما كتير عشان اعمل حسابهم ف كل ولا قليلين
عصام
لا هما مش كتار اووي
بالليل
الباب بيخبط
عصام
اهلا نورتوا والله ، ازيك يابت يا فريده وانتي شيماء
فرح
تعالوا اتفضلو ،نورتوا
قاعدوا راحوا قالوا
شيماء
هي دي مراتك ايه يا عصام ماسكه عليك ذله ولا ايه عشان تتجوز دي
فريده
ههههه لا مكنتش متوقعه أنه عصام يتجوز اللي عامله زي الفحمه دي ههههه دي احلام العصر دي
عصام بضحكك
دي ليها مميزات لما نور بيقطع بتختفي عشان هي سوده زي ضلمه هههههههه
شيماء
مش قادره هههههههه يا عصومي بجد
عصام
اه علي كلمت عصومي منك اه
فرح كانت سامعه كل تريقه عليها وساكته كالعاده
راحت وقعت من طولها
شيماء
الحق مراتك يا عصام وقعت من طولها ، حد يجيب برفان اويتصل بدكتور
عصام
أنا هتصل بدكتور
بعد شويه جه دكتور جات امه
عصام
طمني يادكتور هي مالها
دكتور
مبروك المدام حامل ، لازم ترتاح فترة الحمل متعملش ايي مجهود
فايزه
حاضر يادكتور مش هخليها تمشي من علي سرير، الف مبروك يا عصام يا حبيبي
عصام
الله يبارك فيكي ياحببتي
فايزه
أنا أعرف شغاله كويسه بت غلبانه هخليها تيجي تساعدك اهم حاجه ترتاحي فترة الحمل خالص متعمليش اي حاجه
فرح
شغل شقه مش كتير أنا أقدر اعمله متتعبيش وتيجي حد
فايزه
ازاي متعبش هو انا عندي اغلي منك كفايه انك حامل ف حفيدي
أنا هكلم شهد عشان تيجي تساعدك
فايزه
الو يا شهد شوفي لقيت ليكي شغل كويس ،
شهد
يافرح الله كنت لسه بقولك امبارح يارب الاقي شغل اهو ربنا فرجها ،المهم فين شغل ده
فايزه
تعرفي شقة عصام ابني ،هي بعدينا بشارع ، تعالي هناك عشان اقولك هتشتغلي ايه
شهد
خلاص مسافة السكه
بعد شويه
الباب بيخبط
فايزه
اتفضلي يا شهد جوه ، بصي انتي هتساعدي فرح ف شغل البيت متقلقيش هديكي مرتب كبير عشان انا عارفه حالك
شهد
والله مش عارف يقولك يا والله علي وقفتك دي
فايزه
متقوليش حاجه اهم حاجه فرح متعملش حاجه ولا تقومش من علي سرير
شهد
متقلقيش ده انا هشيلها ف عيوني
فايزه
أنا هنزل انا اروح اشوف حالي وانتي شوفي البيت ناقصه ايه واعمليه
-----&&&&&&&&
ف الاوضه
عصام
خليكي فاكره كويس لو جه طفل زيك كده هطلقك ، أنا مش ناقص يبقي زيك
فرح
هو انا اللي بخلق ولا ايه ربنا هو بيصور هو اللي بيخلق
عصام
أنا مليش دعوه أنا قولتلك وخلاص أنه لو جه زيك مش هتقعدي دقيقه علي ذمتي
بصت ليه فرح فضلت تبكي
__________
شهد
عايز حاجه يا استاذ عصام من تحت ولا اجبلك تأمل الاكل
عصام
نظره ف عينك خلتني اشبع ، ايه حلوه دي
شهد بكسوف
بلاش الكلام ده يا استاذ عصام ميصحش
عصام
هو انا قولت حاجه غلط ده انا يدوبك بوصفك
شهد
أنا هجهزلك الاكل عشان انت شكلك جعان
عصام
وكمان بتفهمي من غير كلام ، لا انا قلبي لن يتحمل كده
شهد
هههههه قولت بتكسف يا استاذ عصام
عصام
اقولك ايه تتجوزيني ،انتي شايفه حال مراتي الي جوه أنا محتاج حد يراعيني ايه رايك ، اصلي انا من اول ما شوفتك وانتي شغلتي عقلي كل حاجه
شهد
اتجوزك انت طب ومراتك الحجه فايزه اقول عليا ايه
عصام
هي هتعرف منين انتي كده كده عايشه هنا يعني الأمر بسيط محدش هيقولها يبقي هتعرف منين
شهد
خلاص تمام ، بس انا عايزاك تأمن مستقبلي
عصام
اللي انتي عايزاه مجال بس نتجوز بس
بعد شويه كتبوا الكتاب رجعوا البيت
_______
فرح
يا شهد ،هاتيلي العلاج من علي تسريحه
شهد
حاضر يا فرح ، محتاجه حاجه تانيه
فرح
لا ، اهم حاجه نضفي البيت كويس روحي اعملي العشا عشان عصام لما يجي ياكل
شهد
أنا عملت كل حاجه وعاشيت الاستاذ عصام متقلقيش
فرح
شاطره يا شهد
شهد
لو مش محتاجه حاجه تانيه اروح أنا انام
فرح
روحي اقفلي الباب وراكي
______$
فرح
الواحد معرفش جعان كده ليه ،اما اروح اجيب حاجه اكلها
وهي راحت تجيب حاجه تاكلها سمعت صوت من الأوضاع شهد
فرح فتحت الباب لقيت جوزها مع شهد
فرح
انت راجل معندكش ريحة دم ،انت بتعمل ايه هنا حتي مش محترمني ولا محترم وجودي ، وانتي مش عارفه أنه متجوز
شهد
انتي هتعمليهم عليا ولا ايه ده جوزي علي سنة الله ورسوله
فرح
كمان اتجوزت ، طالما اتجوزت مخليني علي ذمتك ليه ،طلقني ،انا مستحيل اعيش مع واحد زيك
عصام
بصي لنفسك ف مرتبه تعرفي أنا اتجوزتها ليه
فرح
انت ولا عندك دين ولا اخلاق ولا اي حاجه ، حاطط كل حاجه تحت مسمي شكلك طب انت مش عايزاني أو عينك مش مليانه بيا سبني شوف واحده تملي عينك أما تبص علي دي وتحب دي تشقط دي ،دي بنسميها عدم رجوله ،طلقني
عصام
انتي طالق
خرجت فرح من البيت ومشيت من البلد خالص
_________
بعد ست السنين
ف محل ورد
أحمد
محتاج بوكيه ورد للقمر
فرح
كمان جاي علي معادك متأخر ف اخر بتقولي محتاج بوكيه ورد
أحمد
اعملك ايه يافرح ، لقيت ايس كريم توت قولت لاااااااا فرح حبيبتي بتحب الايس كريم قولت اجبلك ، غلطت أنا كده
فرح
امممم طالما فيها ايس كريم توت هسامحك علي تأخير
ريتاج
عمو احمد جه ، عامل ايه ياعمو احمد
أحمد
أنا كويس ، بس زعلان منك كده متساليش عليا كده
ريتاج
بسال عليك ياماما بس بتقولي انك مشغوله
أحمد
وانتي بتصدقي امك مش معاكي تيلفون كلميني وانا اجيلك ف ايي وقت
فرح
شوف راجل دلوقتي هتفضي هتكلمها ف ايي. وقت
أحمد
اصلي ريتاج دي حبيبتي ، اصلي لما يشوفها بشوفك فيها عشان كده بحبها ،بشوف فيها عيونك وضحكتك بشوف فيها بشاشة وشك
فرح
تعرف يا احمد ساعات بنمر بتجارب وحشه كتير عارف ليه عشان لما نلاقي صح نعرف بقيمتها ونحس قد ايه أننا مكناش عايشين انت عوض ربنا يا احمد
أحمد
وانتي احلي واجمل حاجه حصلت ليا ف حياتي ربنا يخليكي ليا
تمت
تعليقات
إرسال تعليق