رواية حبيبتي اسمها اسلام الجزء الثاني بقلم هويدا زغلول

 رواية حبيبتي اسمها اسلام الجزء الثاني بقلم هويدا زغلول

روايه حبيبتي اسمها اسلام الحلقه الثانيه بقلم هويدا زغلول

رواية حبيبتي اسمها اسلام الفصل الثاني بقلم هويدا زغلول 

وفي الوقت ده اسلام قالت 

اسلام : في ايه يابا مالك انت عامل ليه كده ما تعيش عيشه اهلك ايه مش عارف البطاطا

جاسر : هو انتي ايه يا بنتي ما تعرفيش تتكلمي زي البنات برقه شويه وبلاش صوتك العالي اللي عماله تتكلمي بيه ده 

اسلام : لا اصل مليش في المحن للبنات بيعملوه بتاع اليومين دول طالعه كده بنت راجل

جاسر : بقولك ايه طالما انتي جيتي الفيلا هنا يبقى انا اتغصبت عليكي خلاص واخليكي تشتغلي معايا بس لو سمحت تتكلمي برقه  احسن من كده بشويه

اسلام : هحاول اعمل كده بس مش 

اكيد يعني 

جاسر : ممكن اعرف انتي كنت شغاله فين قبل ما تيجي هنا

اسلام : سواق التوك توك وساعات كنت بسوق تروسيكل يعني على حسب

جاسر : معلش هو ايه التوك توك وايه التروسيكل ده علشان انا مش فاهم دي مواصلات يعني ولا ايه

اسلام : اه واحد عايشلي في مدينه نصر هيعرف توك توك  منين لا يا باشا ده مواصله كده شعبيه يعني موجود عندنا في امبابه

جاسر : وبعدين انت ازاي معاكي مؤهل عالي  وكنتي شغاله على ايه اسمه ايه

اسلام : اسم توك توك يا باشا وبعدين الشغل مش عيب يعني مش احسن ما امد يدي في جيوب الغير واسرق منهم ولا ايه

جاسر : خلاص ماشي اشوفك بكره في الشركه وياريت تتعاملي مع الناس باسلوب كويس بلاش طريقه الكلام اللي انتي بتتكلمي بيها دي

اسلام :خلاص نحاول المهم اعمل حسابك 

في البطاطا ولا اي وهو برق ليها وهي قالت 

خلاص بلاش بصه مرات الاب اللي انت بتبوصها  ليا دي هاروح اكل انا ، وبعدها خرجت وجاسر 

ضحك علي طريقتها وتاني يوم في الشغل 

دخل جاسر وقال 

جاسر : صباح الخير هي ايه الريحه دي 

اسلام : تعالي كل معنا والله حماتك كانت هتحبك ده شويه طعميه سخنين انما ايه

جاسر : طعميه في الشركه يا سلوى حرام عليك يا بنتي انتي ايه اللي انتي بتعمليه ده

اسلام : وليه الغلط ده بقى اشمعنى تقول ليا سلوى دلوقت انا بص يا باشا وانا بحب اسم اسلام ومش متعوده على سلوى ده خالص

جاسر : انا عندي ميتنج مع ناس مهمه يدخل المكتب يلاقوا رايحه الطعميه رشي اي حاجه بسرعه 

اسلام : حاضر حاضر ادخل مكتبك وهترجع تلاقي الدنيا كلها والله يا السطا ما فيش اي حاجه

جاسر : الله يسامحه اللي بلاني بيكي وبعدها 

دخل المكتب وجت عميله مهمه وكانت 

قاعده معاه وبعدها دخلت اسلام 

اسلام : لو سمحت يا جاسر بيه معلش كنت عايزك بس تمضي ليا على الورق ده

وفي الوقت ده قام جاسر وقف جنبها وقال 

جاسر : هو انتي ازاي تدخلي عليا وانا عندي حد من غير ما تخبطي على الباب

اسلام : اه اه في دي عندك بعدها خرجت وخبطت على الباب ورجعت دخلت ثاني بعد اذنك يا استاذ ياسر كنت عايزه حضرتك تمضيلي  على الورق ده

جاسر : صبرني يا رب هاتي تفضلي اخرجي وانا هابقى اقرا امضيلك عليه

اسلام : مش هينفع اصل الولد حماده واقف ليا بره وقال لي ان هو عايزه ضروري شكلك حاجه مهمه

جاسر : حماده مين هو انا بيشتغل معايا ولد اسمه حماده

اسلام : يا عم بتاع الحسابات الواد الفرفور ده

جاسر : استاذ احمد ده اسمه الولد حماده امشي اطلع بره مش عايزه اشوف وشك في المكتب  هنا ثاني طول ما انا عندي حد

اسلام : ماشي حاضر خارجه بلاش تزوق

وبعدها خرجت وجه ممدوح وكيل الشركه 

المنافسه ل جاسر 

ممدوح : مساء الخير يا استاذه هو حضرتك جديده هنا ولا ايه انا كنت عايزه اقابل استاذ جاسر

اسلام : مساء الخير يا فندم طب في ميعاد سابق

ممدوح : لا للاسف ما فيش ما ردتيش عليا انتي جديده هنا

اسلام : حضرتك شكلك جيت هنا قبل كده صح شفتني قبل كده يبقى اكيد لسه جديده مش محتاجه فقاقه يعني

ممدوح ؛هههههه والله دمك خفيف اوي طيب 

انا ممكن استني لحد ما يخلص وبعد نص ساعه 

دخلت اسلام 

جاسر : هو انا مش قولتلك ما تدخليش هنا خالص طول ما انا معايا حد

اسلام : في ولد بره ملزق اسمه اسمه ممدوح عيل سمج كده ومش طايقه أنه يقعد معايا 

قولت اقولك تدخله خليني اخلص منه 

جاسر :اشششش و وطي صوتك ده ممدوح هو ايه اللي جابه هنا ده هو عايز مني ايه

اسلام : شفت انا قولت عليه ملزق شكلك مش بتحبه تحب  اعمل لك معاه جلاشه

جاسر : يا بنتي وطي صوتك ايه صوتك الحقيقي ده حرام عليك وبعدها قامت مريهان وقالت 

مريهان : شكلنا مش هنعرف نخلص شغلانه

انا ماشيه دلوقتي وبعدين نبقي نكمل كلامنا 

باي وباست جاسر من خده ومشيت 

اسلام : اي  الملزقه دي كمان هي عامله كده ليه وحاسه  ان هي بتتكلم وهي قافله بوقها ليه

جاسر : اخرسي خالص وامشي ابعتي ليا ممدوح ده لما اشوف هو كمان عايز ايه

اسلام: حاول تحترم الموظفين بتوعك شويه

مينفعش كده 

جاسر :برا يا اسلام مش عايز اسمع صوتك 

وبعدها. خرجت ودخل ممدوح 

ممدوح : ازيك يا جاسر عامل ايه كنت قريب منك قلت اطلع اسلم عليك

جاسر : اخلصي يا ممدوح عايز ايه اكيد الزياره دي وراها حاجه

ممدوح : ليه يا ابني طريقه الكلام دي انا شوفت 

مريهان خارجه من عندك حبيت ان احظرك منها 

لأن هي مش هتعمل معاك اي 

جاسر :شئ مش يخصك اخرج برا يا ممدوح وخليك في حالك وملكش دعوه بيا 

ممدوح : طيب ما تخلينا أصحاب احسن ونشتغل 

معاه بعض بدل ما نكون أعداء كده 

جاسر : لو اخر واحد في الدنيا عمري ما اشتغل 

معاك يا ممدوح وامشي اطلع برا 

ممدوح :بكره هتندم علي الكلام ده وبعدها 

خرج ودخلت اسلام ماسكه مانجه في أيدها 

وبتقول 

اسلام :بقولك اي يا جسورا بابي اتصل 

بيك وبيقولك في حفله انهارده في الفيلا

ولازم تكون هناك بدري 

جاسر ؛هو اي اللي في ايدك ده وبعدين بابي 

طلعه من بوقك زي السم 

اسلام: اي باكل مانجه اي  مش عارف المانجا دي كمان وبعدين امال اقوله  ايه يعني هو عايز يعتبرني ان انا بنته انت متضايق ليه

جاسر : احسن حاجه تعمليها معايا اني ما اشوفش وشك في الحفله دي

اسلام : انا اصلا بالليل مش فاضيه ورايا  مشوار مهم ولازم اروح

جاسر : والهانم وراها ايه بالليل بقى ولازم تروحوا

اسلام :سبوع الواد حماصه ابن ام حماصه والوليه 

دي ليها واجب عندي كانت نقطتني لما رجلي 

اتكسرت ولازم ارد ليها الخمسين جنيه 

جاسر :أنا مش عارف مستحمله نفسك كده 

ازاي والله انا لو منك لاقرف من نفسي من اللي انتي بتعمليه ده

اسلام : ليه كنت متصوره وانا بجري ورا عربيه الرش وانا مش لابسه بنطلون ما تخليني ساكته بدل ما اوري الناس كلها صورتك وانت صغير

جاسر : هو انا اموت واعرف الصوره دي وصلتك ازاي

اسلام : لو تموت ليه اقعد اقعد لما اقولك

ولحد هنا تكون خلصت حلقتنا 

الفصل الثالث