احببت بلوجر دمرني
الفصل الثامن
بقلم هويدا زغلول
رؤوف /نور انتي جيتي ازاي
حسام /مش قولتك متعوده تروح اي مكان
برحتها مافيش حد يحكمها
رؤوف /لم لسانك يا حسام واحفظ ادبك
نور /جيت اطمن عليك اه انا كنت غلط
وتصرفاتي كانت غير طبيعه سهر خروج فسح
اعرف اشكال يتقال عليها رجاله انما هما
ميعرفوش عن الرجوله حرف بس الحمد لله
ربنا بيحبني رزقني ب أطيب انسان في الدنيا
رؤوف الحب القلب الطيب قدر يغيرني ويخلني
انسانه كويسه بحمد ربنا ان كرمني بيك يا حبيبي
حسام /والله تمام ماشي ومشي
رؤوف /انتي اي اللي جابك
نور /كنت جايه علشان نروح نشوف الفستان
رؤوف /والله ومش واتصلتي بيا انزلك ليه
نور /في اي يا رؤوف انا قولت هطلع اخبط
رؤوف /ولا مراقبه خطواط البيه ولما عرفتي أن
هو عندي قولتي تطلعي تعرفي انك نستي وهو
مش في دماغك
نور /انت بتقول اي يا رؤوف
روؤف /معقول حب حياتك اتنسي بسرعه
كده يا نور غريبه يعني
نور /انا مقدره اللي انت فيه وأن الحيوان
ده قالك اي بس كلمه كمان وكل اللي بينا
هيكون انتهي
رؤوف برحتك
نور /بسهوله كده يا رؤوف
رؤوف /كنت عبيط لما فكرت انك ممكن
تحبني انا
نور /انت عبيط فعلا لان والله هي دي الحقيقه
انا فعلا مش بفكر في حسام واللي كان بينا
مكنش حب انا طيش وهو تسليه مش
عايزه اشوفك تاني يا رؤوف
رؤوف /نور ارجوكي اصبري واعزرني
نور /انساني مش عايزه اعرفك تاني ونزلت
وهي عامله تعيط روحت البيت
دينا /بت اي رايك في الفستان ده بعدين انا
مش هروح معاكي الكوفير اي ده مالك
نور /مش مكتوب ليا فرحه
دينا /اصبري بس فهمني فيه اي
نور قالت كل اللي حصل ل دينا وامها
شيماء /امممم وبعدين
نور /هو اي اللي وبعدين والباب خبط
دينا /خليكي هقوم انا افتح وفتحت
وكان رؤوف
رؤوف /مساء الخير
دينا /مساء الخير اي اللي انت هببته ده
رؤوف /هي فين نور
دينا /جوا
نور /انت اي اللي جابك هنا
رؤوف /حقك عليا يا نور انا اسف
نور/وانا مش قابله اسفك
شيماء /اهدي يا نور اقعدي اتفضل
رؤوف /غصب عني والله كلامه عصبني
ومعرفتش امسك اعصابي انا ندمان وحقك عليا
نور /بعد.....
شيماء /ممكن تسكتي انت يا نور
نور /حاضر يا ماما
شيماء /اسمع يا ابني انا هاقول لك كلمتين
يوم ما جيت تخطب نور جيت ليا انا ليه
رؤوف /شوفت انك بتحبيها وأنها زي بنتك
شيماء /أوضح ليك معلومه بس هي مش زي
هي بنتي فعلا وربنا يعلم من يوم ما جوزي ما
مات وانا عايشه علشان التلاته مش الاتنين
ام نور مسافره وهي صغيره وانا يعتبر مسؤوله
عنها كل انسان فينا بيغلط وهي كانت غلط
بس انا عارفه بنتي اي وعارفه أن من يوم
ما قالت هتلبس دبلتك كل حاجه انتهت
رؤوف /ممكن تسمعني لو سمحت
شيماء /اسمعني انت ما عاش ولا كان اللي
ينزل دمعه من عين بنتي وانا كنت رفضاك في
الاول وهي اللي قالت لا يا ماما شكله ابن حلال
وانا قدرت تعبك وانك كنت صريح معانا يوم
ما كان صحبك عايز يلعب بيها انما لحد كده
والموضوع ده لازم ينتهي اطلع برا
رؤوف /برا اي دي خطوبتنا كمان كام ساعه
شيماء /تمام واثقه أن ربنا هيعوض بنتي
ويفرح قلبها اطلع برا
رؤوف /طيب اسمعني حضرتك
شيماء /مبقاش فيه كلام يتسمع قولتك
رؤوف /نور ارجوكي اديني فرصه
نور /كلمه ماما تمشي عليا وخرج رؤوف
ونور فضلت تعيط
واتصل رؤوف ب ام نور
دعاء /ايوه مين
رؤوف /حضرتك مش تعرفني انا كنت متقدم
ل نور وحصل مشكله ارجوكي أنا حابب انك
تدخلي وتكلمي شيماء
دعاء /انا مش فاهمه منك اي حاجه لو سمحت
اتكلم براحه وفعلا قال ليها الموضوع كله
والوقت ده قررت انها تنزل مصر اولا لان
مش عندها شغل ثانيا عايزه تحسس بنتها
انها قريبه منها
وفي بيت شيماء
نور كانت في الأوضه عامله تعيط
شيماء /انتي حاسه ان انا ظلمتك يا نور
نور /لا يا ماما والله
شيماء /انا شيفاه أن هو انسان كويس
دينا /ولما هو كويس ليه عملتوا كده
شيماء /كان لازم اقرص ودنه بس انما
هو هيرجع وانتي لازم ترجعي ليه
نور /بعد اللي حصل
شيماء /حصل اي هو غصب عنه برضه يابنتي
نور /هو ليه بيحصل معايا كده
شيماء /حصل اي معاكي ده ربنا بيحبك يابنتي
كل الخير بيقدمه ليكي شوفي اللي بيحصل
ليكي وانتي تعرفي ربنا واقف جمبك قد اي
والباب خبط
دينا والله وما انتي قائمه خدامه جنابك هتروح
تفتح
شيماء /بطلي كلام كتير روحي افتحي
وفتحت دينا
دينا/طنط دعاء حمدلله علي السلامه
دعاء /الله يسلمك فين مامتك
دينا /جوا بس مالك فيكي اي
دعاء /كده يا شيماء كل اللي حصل ده
يحصل وانا نايمه علي وداني
شيماء /لا والله انتي مصدقه نفسك كام
مره اتصلت بيكي وقولت الحقي بنتك
وانتي كان كل اللي همك الشغل وبس
دعاء /وهو الشغل ده علشان مين مش علشانها
شيماء /انا مالي انا ليا باللي كان بيحصل
متبقيش انتي الغلط وتيجي ترمي علي غيرك
نور /هو انتي اي اللي جابك
دعاء /بتقولي اي
نور /يعني انا حياتي استقرت جايه تعملي اي
شيماء /مينفعش كده يا نور اتكلمي مع ماما
براحه طريقه كلامك غلط
نور /انتي ماما شوفت منك انتي الحب الحنان
الخوف عليا انما هي شوفت منها أي
دعاء الله اكبر كمان كرهتي بنتي فيا
نور انتي اللي كرهتني فيكي
شيماء /نور مش عايزه اسمع كلامك ده
نور /امشي يا ماما انا مرتاحه هنا
دعاء /هتيجي معايا انا هخلص اوراق سفرك
ولازم تيجي معايا
نور /انا داخله أنام انا تعبانه وفعلا دخلت
شيماء سيبيها النهارده يا دعاء
دعاء مش هاسيبها في مصر ثاني
شيماء عالاقل النهارده بس لما اتكلم معها
دعاء /ماشي يا شيماء واي موضوع حسام
ده بقي
شيماء /امبارح كانت خطوبه بنتك ومحصلش
نصيب ارجوكي مش وقته الكلام ده
دعاء ماشي يا شيماء ونزلت مشيت
نور /مشيت
شيماء ايوه يا نور وانتي لازم تروحي عندها
نور /حاضر انا هشوف شقه
شيماء اي ده مش فاهمه
نور عارفه أن تقلت عليكي
شيماء /بطلي عبط بس دي امك مينفعش
اللي حصل ده حتي لو هي اللي غلط لازم برضه
تكوني معاها وتعتبيها بس مينفعش تسبيها
نور ماشي الصبح اروح
شيماء /لا دلوقتي هلبس ادويكي
نور /خليكي طيب وانا هروح ونزلت نور
وقابلت مايا قدام العماره
مايا /نور ازيك
نور /حضرتك تعرفني
مايا /اه اعرفك انا قريبه رؤوف وهو عمل حادثه
وراح المستشفي
نور /انتي بتقولي اي
مايا /هو عايز يشوفك دلوقتي
نور /طيب يلا بسرعه
مايا /معايا عربيتي تعالي معايا
نور كانت عامله تعيط
مايا اتفضلي منديل ربنا يسترها عليه يارب
واول ما نور حطت المنديل علي وشها اغم عليها 😱😱😱🥺🥺
يتبع
روعه
ردحذف