#طفل المقابر
#الحلقه الثانيه
#بقلم دوداا حوده
#فلاش باك #
مجدي : بقولك اي يا مريم انا جاي تعبان قولي لامي أننا هناكل هنا انهارده
مريم :اي لا طبعا مش هيحصل انا نازله تحت
مجدي :تعرفي انا عايز اكل عالسرير علشان انام عالطول من التعب والله
مريم :ومامتك تفتكر ان انا اللي عايزه كده لا
مجدي :طيب هاتي الاكل هنا ليا وانزلي انتي تحت معاهم
مريم :ماشي إن كان كده ماشي
مجدي. وقولي لامي أن هصحي أنزلها
مريم :عنيا يا حبيبي ودخلت لبست ترنج ونزلت
الام :فين مجدي انا جعانه
مريم :تعبان شويه فقال هياكل اي حاجه
الام :وليه سبتي يا حبيبتي كنتي كلتي معاه جوزك
مريم :امال مين اللي يحط الاكل ويغسل المواعين ويعملك الشاي يا امي
الام :والله يابنتي محدش بيعمل كده ربنا يخليكي ليا
مريم بتكلم نفسها :هو انتي فاكره أن انا نازله علشانك انا اقدر يوم ما شوفش محمود
محمود خرج من الأوضه :مريم انا هموت من الجوع
مريم :عيني والاكل يبقي جاهز
الام :قومي يا حبيبتي يالله
وقامت مريم وجهزت الاكل وفضلت قاعده تقطع فراخ وتديها لمحمود
الام :كلي انتي يا حبيبتي
مريم :باكل والله
وفجاه نزل مجدي مخنوق
الام :مالك فيك اي
مجدي :مش عارف بيقولوا الخزانه ناقص منها 100الف جنيه
الام :ينهار اسود هو مفتاح الخزانه مع حد غيرك في الشغل
مجدي :مع صاحب الشركه بس يا امي
محمود :طيب انت رايح فين انا جاي معاك
مجدي. لا خليك انا رايح لوحدي
مريم :لوحدك اي بس لا روح معاه يا محمود
مجدي :قولت مش عايز حد يجي معايا مفهوم مشي
مريم :ربنا يسترها يارب
الام :يا حبيبي يابني
محمود :مش هقدر اقعد انا رايح ورا الشركه وراح الشركه مجدي وفعلا كان ناقص عهده 100الف جنيه
صاحب الشركه:اول مره تحصل يا مجدي
مجدي :انا مش حرامي والله
صاحب الشركه:انا عارف بس مهمل لما مبلغ زي ده يضيع منك يبقي انت مهمل
مجدي :والله مش عارف حصل ازاي
صاحب الشركه :انا علشان كنت امين معايا هكتفي بس انك تجيب الفلوس وتسيب الشغل وتمشي منا هنا بدون فضائح
مجدي. متشكر اوي لحضرتك
صاحب الشركه:قدامك يومين وتجيب الفلوس اتفضل اطلع برا يلا
مجدي :شكرا وخرج من مكتبه وهو مخنوق جدا وروح البيت
الام :عملت اي يا حبيبي
مجدي :امي انا مش عايز كلمه من حد
محمود :طيب فهمنا اي اللي حصل
مجدي :مطلوب مني في ظرف يومين 100الف جنيه
محمود :ينهار ابيض وهتعمل اي
مجدي :مش عارف
مريم :خد دهبي يجيب حاولي 50الف جنيه
الام :بنت اصول يا حبيبتي والله
مريم :وبيع شقتنا وانا هقعد هنا مع ماما
محمود :لا طبعا ازاي
مريم:مش هسيب جوزي يتحبس
الام :معقول بعد العمر ده هندخل بيتنا حد غريب
مجدي :انا طالع انام ومحدش يصحيني
مريم :طيب هاجي معاك
مجدي :لا خليكي هنا وطلع مجدي الشقه وبعدها طلعت ورا مريم وعملت ليه عصير وحطيت في العصير شريط برشام مهدا ونزلت جري الشقه
الام :عامل اي يابنتي
مريم :قافل باب اوضه النوم عليه
الام حبيبي يابني
مريم :انا خايفه عليه اوي
وتأني يوم مريم كانت نايمه علي الكنبه
محمود :مريم يا مريم قومي ادخلي اوضتي
مريم :صباح الخير
محمود :صباح الخير انتي طلعتي ليه
مريم :لا رافض يفتح الباب ليا
محمود :انا طالع ليه وبعدها نزل
مريم :مالك يا محمود شكلك معيط هو زعلك
محمود مش بيرد عليها
مريم :رد عليا قالك اي والنبي
محمود :اخويا مات
مريم : لااااااا جوزي متقولش كده لاااااااااا
الام :في اي يا ولاد مالكم
مريم :مجدي مات يا امي
الام :ابني حبيبي ليه كده لااااا وفضلوا يصوتوا وعملوا العزاء وصاحب الشركه جه
محمود :فلوسك هتبقي عندك
صاحب الشركه:انا مش عايز حاجه والله عمري ما كنت أتصور مجدي يتسرق منه جنيه واحد
محمود :احنا في ظرف أسبوع هيكون الفلوس عندك
صاحب الشركه:والله ما هاخد حاجه مجدي كان عزيز عليا وندمان أن كنت السبب في انتحاره وكان مع صاحب الشركه زميل مجدي اسامه
اسامه :البقاء لله
محمود :البقاء لله وحده ومشيوا
الام :رايحه فين يا مريم
مريم :طالعه انام علي سرير جوزي مكانه
الام :خليكي هنا في وسطنا
مريم :لا انا عايزه اكون معاه 😭
محمود :مريم هوني علي نفسك مينفعش كده
مريم :انت هتعرف تعمل كده يبقي ماتطلبش حاجه انت مش هتعملها وطلعت الشقه ومسحت دموع التماسيح واتصلت با اسامه صاحب مجدي
اسامه :كنت متوقع اتصالك بس مش بسرعه كده ده جوزك لسه مدفون
مريم :ال50الف هيجوا امتي
اسامه :حبيبتي في اي وقت هو انا هنسي أن انتي اللي عملتي نسخه من مفتاح الخزانه علشان اخرج من مصيبتي
يتبع
لو جاب 500لايك و25شير هنزل جزء جديد بليل الجزء الجديد كله أحداث حلوه جدا مين متابع
تعليقات
إرسال تعليق